හම්බන්තොට දිස්‌ත්‍රික්‌කයේ තිස්‌ස ප්‍රාදේශීය ලේකම් කොට්‌ඨාශයේ කිරින්ද යාල හන්දියේ සිදු වූ භූමියේ සුළු චලනයකින් පසු නිවාස 6 ක බිත්ති පුපුරා ගොස්‌ එක්‌ නිවසකට බරපතළ හානි සිදුවී ඇතැයි ආපදා කළමනාකරණ මධ්‍යස්‌ථානය "දිවයින" ට පැවැසීය.
මෙය කිසිදු ආකාරයක භූ කම්පනයක්‌ නොවන බව ආපදා කළමනාකරණ මධ්‍යස්‌ථානය හා භූ විද්‍යා පතල් කැණීමේ කාර්යාංශය වාර්තා කර තිබේ.
මෙහිදී ජීවිත හානි කිසිවක්‌ සිදුවී නොමැති අතර සිද්ධිය සම්බන්ධයෙන් භූ විද්‍යා සමීක්‍ෂණ කණ්‌ඩායමක්‌ පර්යේෂණ පවත්වන බව ද ආපදා කළමනාකරණ මධ්‍යස්‌ථානය සඳහන් කරයි.
පෙරේදා රාත්‍රී ශබ්දයක්‌ සමග මෙම භූ කම්පනය සිදුවී ඇති අතර මෙම කම්පනය තිස්‌සමහාරාම කිරින්ද ප්‍රදේශයට පමණක්‌ සිදුවී තිබේ.
මේ පිළිබඳව අදහස්‌ දැක්‌වූ කිරින්ද පදිංචි ඩබ්ලිව්. සිරියලතා මහත්මිය පැවසුවේ "අපි රාත්‍රි කාලා නිදාගත්තා. ටික වේලාවකින් ජනෙල් දිඩි දිඩි ගාලා ගැහුනා. ඒ එක්‌කම ගෙදර ආච්එක කැඩිලා බිමට සමතලා වුණා. අපි බිම බැලුවාම පොළව පැළිලා වැලි යටට යනවා පෙනුණා" යෑයි පැවසීය.
තුෂාරි කළුබෝවිල සහ කතරගම කේ. ඩී. දේවප්‍රිය
No comments:
Post a Comment