ප්‍රජනන සෞඛ්‍ය පිළිබඳව බොහෝ දෙනා අතර ඇත්තේ අල්ප වූ දැනුමකි. ප්‍රජනන පද්ධතියේ ක්‍රියාකාරීත්වය මගින් මානව වර්ගයාගේ පැවැත්ම සිදුවේ. ස්‌ත්‍රී ප්‍රජනන පද්ධතියමෙන්ම පුරුෂ ප්‍රජනන පද්ධතියද මෙහිදී වැදගත් වේ. ප්‍රජනන පද්ධතියට අයත් අවයවයන් වල ක්‍රියාකාරිත්වය ගැන යහපත් තෘප්තියක්‌ හා ආරක්‌ෂිත ලිංගික ජීවිතයක්‌ තුළින් අප ජීවිත ආරථවත් කර ගැනීම සඳහා ප්‍රජනන සෞඛ්‍ය අධ්‍යාපනය දරුවන් වෙත හොදින් ලබාදිය යුතුය. ආහාර ජීර්ණ පද්ධතිය ශ්වසන පද්ධතිය මෙන් ම නොයෙක්‌ පද්ධතීන් අපගේ සිරුරේ ඇත. නමුත් පුළුල් හා තීරණාත්මක ලෙස අප ජීවිත වලට බලපානු ලබන්නේ ප්‍රජනන පද්ධතියයි. ශරීරයටත් මනසටත් බලපෑම් කරමින්, හැගීම්, ආශාවන් ශාරිරික අවශ්‍යතාවන් හා ආවේගයන් හසුරුවන ප්‍රජනන පද්ධතියේ ක්‍රියාවලිය මත ඇත්තෙන් ම ජීවිතයේ ගුණාත්මක බව රදා පවතී. ලිංගිකත්වය හේතුවෙන් ප්‍රජනන පද්ධතියේ ක්‍රියාවලිය කායික අවශ්‍යතා පමණක්‌ නොව ශෘංගාරය, සෞන්දර්යාත්මක සිතුවිලි පවා හසුරුවන්නේ මෙම ක්‍රියාවලිය මගින් ය. සදාචාරය යනු නිවැරදි අයුරින් ප්‍රජනන හැකියාව සකස්‌ කර ගැනීම යි.සාමාන්‍යයෙන් ප්‍රජනනේද්‍රියන්ගේ වර්ධනය වැඩිවියට පැමිණීමේ දී සිදුවන ප්‍රධානම වෙනසකි. මෙහිදී නිරෝගි පුරුෂයෙකුගේ වෘෂණ කෝෂවල ප්‍රමාණය 18-20 mm පමණ වේ. මේවායේ ප්‍රධාන ක්‍රියාවලින් 2 ක්‌ සිදු වේ. එනම් හෝමෝන නිපදවීම හා පුරුෂ බීජ නිපදවීම යි. වැඩිවියට පැමිණීමේ ක්‍රියාවලිය ඇරඹීමෙන් වසරකට පසු පිරිමි දරුවෙකු පිට කරන උදෑසන මුත්‍රා සාම්පලය තුළ ශුක්‍රාණු දැකිය හැකි බව ඔප්පු වී ඇත. ඒ අනුව වයස අවුරුදු 13 පමණ වන විට පිරිමි දරුවෙකු තුළ සරු බව දැකිය හැකි නමුත් සම්පූර්ණ මේරූ බව ලැබීමට වයස අවුරුදු 14-16 පමණ විය යුතුයි. පුරුෂයින්ගේ ලිංගේන්ද්‍රිය අවට රෝම වැඩීම මේ සමග ඇරඹේ.
හෝමෝන වලින් සිදුවන බලපෑම් නිසා පිරිමි දරුවන්ගේ මෙන්ම ගැහැනු දරුවන්ගේ ද මෙම වයසේදී ශරීරයෙන් පිටවන දහඩිය විහේෂ ගඳක්‌ ඇති විය හැක. මෙය වයස යැමත් සමඟ ක්‍රමයෙන් අඩු වේ. පුරුෂයන්ගේ මෙන්ම කාන්තාවන්ගේ ද සමේ ඇති ග්‍රන්ථින්ගේ ක්‍රියාකාරිත්වය සහ ඒවායේ ස්‍රාවයන් මෙම හෝමෝන වල බලපෑමෙන් වැඩි වේ. මෙහි ප්‍රතිඵලයක්‌ වශයෙන් කුරුලෑ ඇතිවීම මෙම අවදියේදී දැකිය හැක. මේවා වළක්‌වාලීම අපහසු වුවත් වැඩිවියට පැමිණීමේ කාලසීමා පසුවන විට කුරුලෑ අඩුවීම දැකිය හැක. කෙසේ වෙතත් දිගින් දිගටම කුරුලෑ හටගන්නා විට වෛද්‍ය උපදෙස්‌ ලබා ගැනීමට සිදුවන අවස්‌ථා ද ඇත. මෙහිදී කුරුලෑ වියළී යැමෙන් පැල්ලම් ඇති වීම සිදුවිය හැක.
වෛද්‍ය චම්පා නෙල්සන්
No comments:
Post a Comment