ජාතික තොරතුරු තාක්ෂණ ශ්‍රම බලකා සමීක්ෂණයෙන් හෙළිවන තොරතුරු මෙන්න
තොරතුරු හා සන්නිවේදන තාක්ෂණ නියෝජිතායතනයේ නියාමන හා ඇගයීම් අංශය විසින් සිදුකර තිබෙන ජාතික තොරතුරු තාක්ෂණ ශ්‍රම බලකාය පිළිබඳ නවතම සමීක්ෂණයේ තොරතුරු අනාවරණය කර තිබේ. මේ අනුව,පසුගිය සිව් වසර තුළ මෙරට තොරතුරු තාක්ෂණ අංශයේ රැකියා ප්‍රමාණය සියයට සියයක වර්ධනයක් සිදුවී තිබෙන අතර 2006 දී එම අංශයේ රැකියා කළ ප්‍රමාණය වූ 30120 ක්වූ ශ්‍රමික සංඛ්‍යාව මේ වනවිට 62,000 ඉක්මවා වර්ධනය වී තිබෙන බව මෙම සමීක්ෂණයේදී හෙළිකර ඇත.
2010 වසරදී මෙරට තොරතුරු තාක්ෂණ අංශයේ රැකියා කළ ප්‍රමාණය 50,000 ඉක්මවා තිබුණි.
රාජ්‍ය ආයතන 80 ක්, පෞද්ගලික ආයතන 325 ක්, තොරතුරු තාක්ෂණ ව්‍යාපාර ක්‍රියාවලි බාහිරකරණයේ යෙදී සිටින ආයතන 30 ක්, තොරතුරු තාක්ෂණය පුහුණු කරන ආයතන 75 ක්, මෙම සමීක්ෂණය සඳහා සහභාගී කරගෙන තිබේ.
මෙම සමීක්ෂණයට අනුව ව්‍යාපාර බාහිරකරණ අංශයේ රැකියා සඳහා කාන්තා නියෝජනය ඉහළ යමින් තිබෙන බව අනාවරණය වී තිබෙන අතර එය සියයට 43 ක පමණ වර්ධනයකි.
2010 වසරේදී මෙරට තොරතුරු තාක්ෂණ උපාධිධාරීන් ගණන 4473 ක් බවත් එයින් 3970 දෙනෙකු රැකියාවල යෙදී සිටින බවත් ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ ප්‍රධාන විධායක නිළධාරී, රොෂාන් දේවපුර මෙම සමීක්ෂණය පිළිබඳව අදහස් දක්වමින් කීය.
හෙතෙම වැඩිදුරටත් පැවසුවේ මේ වනවිට තොරතුරු තාක්ෂණ කර්මාන්ත මගින් ලංකාව වසරකදී ඩොලර් මිලියන 375 ක පමණ අපනයන ආදායමක් ලබන බවත් එය අපනයන අංශයේදී විදේශ විනිමය ඉපයීමේ පස්වන ස්ථානයේ තිබෙන බවයි.
මීට ඉහතදී දැක නොමැති කුඩා සත්ත්ව කොට්ඨාසයක් ගලේවෙල, පන්කොළගොල්ල ගම්මානයේදී දැක ගත හැකි විය. කේ. ජී. සෝමසිරි මහතාගේ ගෙවත්තේ පිහිටි හිඹුටු ගසක මේ සත්තු රැඳී සිටිති. මෙම සතුන්ගේ මුලු සිරුරම සුදු පැහැතිය. කුඩා සතුන් අඟල් භාගයක් පමණ දිගය. ලොකු සතෙක් අඟලක් පමණ දිගය. ශරීරය ඉතා කුඩාය. කඳට සම්බන්ධ වූ අඬු රාශියක් දැකිය හැක. ගසේ කොළ මත මෙම සත්තු රැඳී සිටිති. ඈතට දිස්වන්නේ ගසක සුදු පැහැති මල් පිපී ඇති ආකාරයකි. හදිසියේ කොළයක් සෙලවූ විට මෙම සත්තු ඉවතට පනිති. උන්ගේ එක පිම්මක් අඩියක් තරම් දුරය. මෙබඳු සත්ත්ව කොට්ඨාසයක් මීට ඉහත දී දැක නොමැති බව වැඩිහිටි ගම්වැසියෝ පවසති.
මීගමුව නගර මධ්‍යයේ පවත්වාගෙන ගිය සුපිරි ගණිකා නිවාසයක්‌ පෙරේදා (25 වැනිදා) වැටලූ පෑලියගොඩ අපරාධ කොට්‌ඨාසයේ නිලධාරීන් එය පවත්වාගෙන ගිය කළමනාකරු සහ ගණිකා වෘත්තියේ නියෑළුණු කතුන් සිව් දෙනකු අත්අඩංගුවට ගෙන ඇත.
