කකුල් දෙකෙන් කුඩු ගැසූ දෙඅත් අහිමි අයෙකුට රු. 5000ක දඩයක්

දෙපා යුගළයෙන් හොරොයින් දුම් පානය කිරීමේ චෝදනාව මත කොල්ලුපිටිය පොලිසිය අධිකරණය වෙත ඉදිරිපත් කළ දෙඅත් අහිමි පුද්ගලයෙකුට කොටුව මහේස්ත්‍රාත් ලංකා ජයරත්න මෙනවිය රුපියල් 5000 ක දඩයක් නියම කළාය. දඩ මුදල ගෙවීමට නොහැකි බව සඳහන් කළ සැකකරු අධිකරණය හමුවේ තමාට ප්‍රජා සේවයක් ලබාදෙන ලෙසට ඉල්ලීමක් කළේය.

තවද ඔහුට දෙ අත් අහිමි වූවාට දෙපා යුගලයෙන් ඕනෑම දෙයක් කිරීමට හැකි බව සඳහන් කළ පොලිසිය හෙරොයින් පානය සඳහා ගිනි පෙට්ට්යේ කුරු ගැසීම හා කුඩු පැකට්ටුව නාසයට තබා උරා බීමට හැකි බව සඳහන් කළේය. සිසිර කුමාර නැමැති සැකකරු කොල්ලුපිටිය ප්‍රදේශයේ සිඟා කෑමේ නිරත ව සිටියදී පොලිසිය විසින් අත්අඩංගුවට ගෙන තිබේ. අදාළ කරුණු සළකා බැලු මහේස්ත්‍රාත්වරිය සැකකරුට ප්‍රජා සේවය නියම කළාය.

මීගමුව නගර මධ්‍යයේ ගණිකා නිවස වටලයි

මීගමුව නගර මධ්‍යයේ පවත්වාගෙන ගිය සුපිරි ගණිකා නිවාසයක්‌ පෙරේදා (25 වැනිදා) වැටලූ පෑලියගොඩ අපරාධ කොට්‌ඨාසයේ නිලධාරීන් එය පවත්වාගෙන ගිය කළමනාකරු සහ ගණිකා වෘත්තියේ නියෑළුණු කතුන් සිව් දෙනකු අත්අඩංගුවට ගෙන ඇත.

එම අපරාධ කොට්‌ඨාසයේ ස්‌ථානාධිපති ප්‍රධාන පොලිස්‌ පරීක්‍ෂක උපුල් සමරසිංහ මහතා මීගමුව මහෙස්‌ත්‍රාත් අධිකරණයෙන් ලබාගත් සෝදිසි වරෙන්තුවක්‌ මත මෙම වැටලීම සිදු කර තිබේ.

අත්අඩංගුවට ගත් කතුන් අවුරුදු විස්‌සත් විසිහයත් අතර වයසේ පසුවන්නියන් බවත්, ඔවුන් හලාවත, මීගමුව හා නාවලපිටිය යන ප්‍රදේශවල පදිංචිකාරියන් බවත් පොලිසිය පවසයි.

මෙම ගණිකා නිවාසයට ධනවත් ව්‍යාපාරිකයන්, දේශපාලනඥයන් පැමිණ ඇති බවත් මෙම ස්‌ථානය වැටලීමෙන් පසු කළ පරීක්‍ෂාවේදී එහි තිබී විවිධ පුද්ගලයන්ගේ ජාතික හැඳුනුම්පත් 15 ක්‌ පමණ හමුවූ බවත් පොලිසිය කියයි.