මුත්තයියා මුරලිදරන් ලෝක කුසලාන ක්‍රිකට් තරගවල වැඩිම දෙවැනි කඩුලු ලාභියා ලෙස වාර්තා පොතට එක්විය. පෙරේදා පාකිස්තානය සමග පැවැති තරගයේ දී මුරලිගේ පන්දුවකට උමාර් අක්මාල් දැවීයෑම ලෝක කුසලාන තරගවලදී ඔහු වාර්තා කළ 56වැනි කඩුල්ල විය. මෙයට පෙර මුරලි විසින් කඩුලු 55ක් දවාගෙන පාකිස්තානයේ වසීම් අක්‍රම් තබා තිබූ වාර්තාව සමකර සිටියේය.
දැනට ක්‍රිකට් ලෝක කුසලාන තරගවලදී වැඩිම කඩුලු ලාභියා ලෙස ඔස්ටේ‍්‍රලියාවේ ග්ලේන් මැග්‍රා (කඩුලු 71ක්) වාර්තාව පිහිටුවා ඇත.
මුරලි ලෝක කුසලාන තරග 33 කදී ලකුණු 1117 කට කඩුලු 56ක් ලබා සිටී. ඔහු එක්දින හා ටෙස්ට් තරගවල ලොව වැඩිම කඩුලු දවාගත් පන්දු යවන්නාද වේ.
මුරලි මේ තරගාවලියෙන් අනතුරුව ජාත්‍යන්තර ක්‍රිකට් පිටයෙන් සමුගැනීමට නියමිතය.
No comments:
Post a Comment