Showing posts with label story of the world. Show all posts
Showing posts with label story of the world. Show all posts

Monday, August 15, 2011

තව දින 84 කින් ලෝක ජනගහණය බිලියන 7 යි

ලෝකයේ ජනගහණය
දිනකට දෙලක්‌ෂ හැටදහසකින් ද
සතියකට මිලියන 1 .8 කින් ද
වසරකට මිලියන 93 කින් ද
මේ වන විට වර්ධනය වන බව සංඛ්‍යාලේඛන පෙන්වා දෙයි.

එක්‌සත් ජාතින්ගේ ජනගහණ අංශය පවසන පරිදි 2011 වසරේ ඔක්‌තෝම්බර් 31 වෙනිදාට ලෝක ජනගහණය බිලියන 7 ක්‌ ඉක්‌මවයි. ලෝකයේ ජනගහණය දිනකට දෙලක්‌ෂ හැටදහසකින් ද සතියකට මිලියන 1.8 කින් ද වසරකට මිලියන 93 කින් ද මේ වන විට වර්ධනය වන බව සංඛ්‍යාලේඛන පෙන්වා දෙයි.

1800 දී මිලියන එකක්‌ව තිබූ ලෝක ජනගහණය 1963 වන විට දෙගුණයක්‌ වී තිබේ. 1987 දී එය 40% කින් වර්ධනය වී බිලියන 5 ක්‌ බවට පත් වී තිබේ. පළමු ලෝක ජනගහණ දිනය පැවැත්වීමට මුල් වූයේ එම කාරණයයි.

ආසියාව ලෝකයේ මුළු ජනගහණයෙන් 60% ක ප්‍රමාණයක්‌ ජීවත් වන ලෙස සලකන අතර එය 2050 දී බිලියන හතරේ සිට බිලියන පහ දක්‌වා වැඩිවන බවට අනාවරණය වී තිබේ.

දැනට සෑම වසරක ම දශලක්‌ෂ 78 ක්‌ පමණ ජනතාවක්‌ ලෝක ජනහගණයට එකතු වීමෙන් ස්‌වභාවික සම්පත් වලට ඇති ඉල්ලුම වැඩිවීමෙන් අප ජිවත් වන පෘථිවියට වැඩි පීඩනයක්‌ ඇති කරවයි. දරිද්‍රතාවය, අසාමනතාවය සහ සම්පත් කෙරෙහි ඇති පීඩනය වැඩිවීම ජනගහණය වැඩිවීමේදී ඇතිවන අභියෝගයන් වන අතර ලෝකය පෙර නොවු ආකාරයට එකට සම්බන්ධව වී ඇති නිසා මෙම ප්‍රශ්න සෑම රටකටම බලපායි. ලෝකයේ ජනගහණය වැඩිවීමත් සමග අද ජීවත් වන සහ අනාගත පරම්පරාව සඳහා අසාමානතා අඩුකිරීමටත් ජීවන මට්‌ටම නගා සිටුවීමටත් නව චින්තනයක්‌ සහ ගෝලීය සහයෝගීතාවයක්‌ අවශ්‍ය වේ. මෙහිදී තරුණ ජනයා බලගැන්වීමත් ගැහැනු ළමයින්ගේ අධ්‍යාපනය වර්ධනය කිරීමත්, ස්‌ත්‍රින්ගේ අයිතිවාසිකම් සුරැකීමත් සියලු දෙනාගේ පැවැත්ම ර¹ සිටින ස්‌වභාවික සම්පත් ආරක්‌ෂා කිරීමත් කළ යුතු වේ.

වයස අවුරුදු 10 ත් 20 ත් අතර සිටින කෝටි 180 වන ලොව තරුණ ජනතාවට අපගේ ක්‌ෂණික ගැටළු විස¹ ගැනීම සඳහා නව අදහස්‌ සහ පිවිසුම් ලබා ගැනීමට දායක කර ගත යුතුය. ගැහැනු දරුවන්ගේ අධ්‍යාපනය වර්ධනය කිරීම තුළින් ගැහැනු දරුවන්ගේ සෞඛ්‍ය නගා සිටුවීම, නිසි වයසට පෙර විවාහවීම නැවැත්වීම, හදිසි ගැබ්ගැනීම්වලින් වැළකීම සහ HIV ආසාදනයෙන් ඉවත් වී සමාජ සුබසාධනය සඳහා දායක කර ගැනීම පහසුයි. මතු දවසක විවාහයෙන් පසු මවක්‌ වන ඇයට බිහිකරන ළමයින් සංඛ්‍යාව තීරණය කිරීම ස්‌ත්‍රී පුරුෂ භාවය මත පදනම් වන ප්‍රචණ්‌ඩත්වයට එරෙහිව නැගී සිටීම සමාජයේ තම භූමිකාව හොඳින් ඉටුකිරීම ඇයට කළ හැකිය. මේ නිසා ලෝක ජනගහණය වර්ධනය පාලනය කිරීමට මෙන්ම රටක ජනගහණය වර්ධනය පාලනය කිරීමට ද කාන්තාවන්ගේ දායකත්වය ඉහළ මට්‌ටමෙන් ලබාගත යුතුය.


සෞඛ්‍ය අධ්‍යාපන කාර්යාංශයේ පැවති සම්මන්ත්‍රණයක්‌ ඇසුරෙන්.
හරින්දී ලියනගේ

Saturday, April 9, 2011

තෙල් මිල හා ලිබියානු අර්බුදය

ඉකුත් සඳුදා වන විට ලෝක වෙළෙඳපොළේ තෙල් බැරලයක මිල ඩොලර් 108 ක්‌ පමණ විය. මාස 30 කට පමණ පසු තෙල් බැරලය ඉහළ ගිය උපරිම මිල මෙය විය. ලෝක තෙල් සම්පත ඉතිරිව ඇත්තේ තව වසර 40 කට පමණකැයි ගණන් බලා ඇත. ලෝකය වේගයෙන් ඉදිරියට යද්දී තෙල්වලට ඇති ඉල්ලුම ද ඉහළ යයි. එහෙත් මේ අවස්‌ථාවේ තෙල් මිල ඉහළ ගොස්‌ ඇත්තේ ලිබියාවේ ගඩාෆි පාලනයට එරෙහිව පැන නැගී ඇති කැරැල්ල නිසාය. නේටෝ සංවිධානයත් ගඩාෆිගේ හමුදාවන්ට ගුවන් ප්‍රහාර එල්ල කිරීම නිසා තෙල් මිල ඉහළ යන්නේ පුදුමාකාර වේගයෙනි. අරාබි ලෝකයේ දිගු කාලයක්‌ බලයේ සිටි නායකයන්ට එරෙහිව කැරැලිකාරීත්වය මුලින්ම පැන නැඟුණේ ටියුනීසියාවෙනි. බෙන් අලි පන්නා දැමීමෙන් පසු ඊජිප්තු වැසියෝ සති ගණන් කයිරෝ නුවර තහීර් චතුරශ්‍රයේ උද්ඝෝෂණය කර හොස්‌නි මුබාරක්‌ව පන්නා දැමූහ. ඊජිප්තුවෙන් පසුව ලිබියාවට ද ඉරානයට ද මේ උද්ඝෝෂණ රැල්ල පැතිර ගියේය. කෙසේ නමුත් ඉරානයේ උද්ඝෝෂණ වැඩි කලක්‌ පැවැතියේ නම් නැත. ඇමරිකාව නම් ඉරානයේ උද්ඝෝෂණකරුවන්ට කෙළින්ම සහාය පළ කළ ද එම විරෝධතා දින කිහිපයකින්ම නතර විය. කෙසේ වෙතත් තෙල් බැරලය ඩොලර් 108 කට වැඩිවූ පසු ටෙහෙරාන් නුවරදී මාධ්‍ය ඇමතූ ඉරාන ජනාධිපති මහමුද් අහමදිනිජාඩ් මහතා ප්‍රකාශ කර සිටියේ තෙල් බැරලය ඩොලර් 150 දක්‌වා ඉහළ යා හැකි බවයි. ඔපෙක්‌ රටවල් අතරින් දෙවැනියට වැඩියෙන්ම තෙල් අපනයනය කරන්නේ ඉරානය වන අතර ඔවුන් දිනකට තෙල් බැරල් මිලියන 4.2 ක්‌ වෙළෙඳපළට නිකුත් කරයි.

වයස 27 දී ලිබියාවේ පාලකයා වූ ගඩාෆිට අද දරුණු මහජන කැරැල්ලකට මුහුණදීමට සිදුව ඇත. 1981 සිට ඊජිප්තුවේ පාලකයාව සිටි හොස්‌නි මුබාරක්‌ ජනපති ධුරයෙන් අස්‌වූ දිනට පසුදා සිට ලිබියානු ජනතාව විශේෂයෙන් බෙන්නාසිහි වැසියෝ සිය පාලකයාට එරෙහිව උද්ඝෝෂණ ආරම්භ කළහ. බටහිර ලෝකය උඩින් ගඩාෆි සමග යම් සුහදතාවක්‌ ප්‍රකාශ කර තිබුණ ද යටි හිතින් ගඩාෆිට කැමැත්තක්‌ දැක්‌වූයේ නැත. එම නිසාම ලිබියානු නායකයාට කැරැල්ලක්‌ පැන නැඟුණු වහාම ඒ කැරැලිකරුවන්ට සහාය පළ කරන්නට ඇමරිකාව ප්‍රමුඛ බටහිර ලෝකය ඉදිරිපත් විය. මුලින්ම එක්‌සත් ජාතීන්ගේ සංවිධානය ලිබියානු ගුවන් කලාපය තහනම් ගුවන් කලාපයක්‌ ලෙස ප්‍රකාශයට පත් කළේ ගඩාෆිගේ ගුවන් හමුදාවන් විසින් කැරැලිකරුවන්ට එල්ල කරන ගුවන් ප්‍රහාර නවත්වන්නටය. එහෙත් දිගින් දිගටම ගුවන් ප්‍රහාර එල්ල වන්නට වූ නිසා ගඩාෆි පාලනයට එරෙහිව "Operation Odyssey Dawn" ආරම්භ විය.

Total Pageviews

Advertise